تاج

كعادتي بمر علي بلوج الأنسة emz لقيتها جايبه
في سيرتي وبتهديني تاجين زي الفل
و ياجماعة الخير ربنا أمر بالستر
وإذا بوليتم فأستتروا
وربنا علي الظالم والمفتري
ندخل في الموضوع

السؤال الأول
افتح الكتاب اللي بتقراه حاليا علي صفحة 123 وعد خمس
سطور وأكتب أول تلاتة بعدهم؟
في البداية كده أنا الكتاب اللي بقراه اخره
53 صفحة أعمل ايه بقي األف من عندي ولا األف من عندي !!
"يتكلم أحدكما فيحلو الإصغاء.. و أن تكون الحياة معا هي مطلب كل منكما قبل النوم معا.. و ألا يطفئ الفراش هذه الأشواق و لا يورث الملل و لا الضجر و إنما يورث الراحة و المودة و الصداقة.. و أن تخلو العلاقة من التشنج و العصبية و العناد"
الاثم و البراءة
لدكتور مصطفي محمود
الكتاب جامد جدا
ً
السؤال الثاني
اللي هايحصل لايميلك بعد ما تموت؟؟
بالذمة ده سؤال !!
بعد عمر طويل يعني إن شاء الله
هابقي اكتب الباسورد لاولادي
امال اسيبه يتقفل مثلا ولا حاجة !

السؤال الثالث
أديت الباسورد لحد قبل كده ؟
لا

لو اه كانت طبيعة علاقتك بيه اية؟
الاجابة لا

إسمك؟
محمد

اسم الدلع المشهور وسط اصحابك؟
ميدو ، حمادة

عمرك؟
19

البرج؟
العقرب

مجال دراستك؟
أداب فرنساوي

شخصيتك نوعها ايه؟
صعب ان الواحد يتكلم عن نفسه
بس اكيد اللي يقدر يجاوب عن السؤال ده
الناس اللي اتعاملت معاهم.

السفر بالنسبة لك؟
إجابة السؤال ده تتوقف علي المكان اللي مسافر ليه.

المود بتاعك؟
طبيعي مع شوية ملل

وقت فراغك بتعمل فى ايه؟
النوم او القراءة إذا كانت متاحة ونت

الاكلة المفضلة؟
مكرونة بالبشاميل

اكثر 6 حاجات بتكرهها؟
الصحيان بدري
المذاكرة
الزحمة
المواصلات العامة
الدوشة
الغباء

اكثر 6 حاجات بتحبها؟
الكورة
النت
البحر
القراءة
الناس اللي بتحس
محمد صبحي

الشغل بالنسبة لك؟
عذاب لو كان حاجة مش بحبها
زي المذاكرة ايام الامتحانات

الانترنت والكمبيوتر بالنسبة لك؟
عالم تاني